PUISI bHASA bALI >> Asih Pasih Putih

Asih Pasih Putih

Titiang mejalan ring rurung,

Pedidi ngajak sang suung,

Sai-sai mamunyi mesaut linglung,

Metek don-don ulung,

Ditu ring pasihe luung…

Sang suung meganti,

Teken sriyat-sryut angine ngubek jagat,

Suryak-suryak ombak pasihe,

Ngranayang uyut tangkahe

Kenehe ngulangunin…

Ngenteg ulu ati rumasa ingan,

Liang tangkahe masuryak,

Sekadi nepukin suargan ring gumi,

Nenten wenten pikobet,

Lega tanpa duka…

Saking tengahing pasih,

Asuryak yehe rauh,

Matemu karang belah,

Ring pasisi putih,

Genah sang asih…

Titiang mejalan ring rurung,

Madadua ngajak sang surya,

Sai-sai kedek masaut,

Metek galah sane sayan lingsir,

Ditu ring asih pasih putihe…